Wit Gele Kruis ta un Fundashon cu ta traha pa e comunidad di Aruba pa mas cu cuarenta aña riba e tereno di cuido extramural y su meta principal ta pa promove, activa y optimalisa cuido di salud den e comunidad arubano. Pa mas informacion.
Wit Gele Kruis tin diferente seccion cu ta:
1. Cuido na cas
E seccion aki ta ofrece: servicio na cas, cuido diabetico,cuido di herida y cuido preventivo.Tur esaki ta ensera duna servicio curativo y preventivo na tur pashent na cas.Pa bin na remarca pa ricibi servicio di Wit Gele Kruis, bo persona mester sigui e siguiente procedura cual ta yama nos oficina principal na 5824444, laga bo informacion atras y e persona concerni lo informa e cabesante di bario cu lo haci un cita cu bo persona pa tuma tur dato pa evalua e posibilidadnan na cas y e materialnan necesario pa duna e cuido.
Pa facilita e proceso, corda puntra un carta di cuido cu tur informacion y instruccion pa e cuido derca bo dokter di cas y si bo persona mester despues cu bo sali di hospital,un carta di cuido di e enfermera di hospital.
Pa cuido di herida ta conta e mesun procedura ya menciona.
2. Cuido pa mayor y yiu
E seccion aki ta ofrece: cuido prome y despues di parto,consultorio pa baby y mucha y cuido preventivo.
Embarazo: Pa prepara futuro mayornan pa e parto, ta organisa anochinan informativo den diferente districto.
Bishita prenatal na cas ta wordo haci despues cu persona entrega un peticion na Wit Gele Kruis.E enfermera di maternidad ta bishita bo persona na cas pa sera conoci cu bo famia y duna conseho y contesta bo preguntanan y tambe controla si bo tin tur cos na cas pa cuido di bo baby.
Cuido despues di parto pa mama y recien naci na cas ta wordo duna dor di e team di maternidad segun bo necesidad.
Tambe nos tin e consultorio pa baby di 0-11/2 aña y consultorio pa muchanan di 11/2 aña te cu 5 aña.
3. Informacion di nutricion
E parti aki ta wordo duna dor di e dietista di Wit Gele Kruis.Wit Gele Kruis tin su mesun dietista den servicio pa su clientenan y muchanan di 0-5 aña.E dietista ta e persona indica pa contesta bo preguntanan tocante alimentacion y tur clase di dieta.E ta duna conseho individual y den grupo.Pa traha un cita por yama oficina principal di Wit Gele Kruis na 5824444.
4. Informacion di diabetes
E parti aki ta wordo duna dor di e enfermera specialisa riba diabetes di Wit Gele Kruis.Pa consulta cu e enfermera specialisa riba tereno die enfermedad diabetes por yama na oficina principal di Wit Gele Kruis 5824444.E ta haci un cita cu bo persona pa asina aumenta bo conocimento tocante diabetes y duna bo persona conseho y guia.Tur esaki pa bo persona por maneha bo diabetes independiente y na un manera saludabel.
5. Control di sucu,preshon,cholesterol y trygliceride den diferente districto
6. Servicio di Rolstoel