Anochi informativo pa futuro mayornan
Pa prepara e futuro mayornan pa e parto, nos ta organisa anochi informativo den diferente bario. Durante e anochinan aki, ta wordo tratá diferente topiko, entre otro e procedura di embarazo normal y parto, complicacion durante embarazo y parto, informacion tocante sala di parto y departemento di parto, alimentacioin saludabel, e importancia den dunamento di pecho, cuido di djente durante embarazo. E relacion entre mayornan y mucha, ariba ki factornan e mayor mester ta alerto ora di escohe un creche, cuido di parto y oficina pa consulta di Wit Gele Kruis. Pa mas informashon tocante e anochinan informativo pa futuro mayornan den e bario mas serca, por tuma contacto cu: Oficina Principal Wit Gele Kruis, Tel: 582-4444.   
 
Bishita na cas prome cu parto
Tambe ta posibel pa pidi pa un bishita na cas prome cu parto. E enfermera pa parto lo bin serka bo na cas pa sera conosi icu famia y duna informashon tocante entre otro aliimentacion, duna lechi di pecho, hygieniko y tambe control si tin tur necesidad pa e baby na cas. Bo por hasi pregunta dibiaha ariba conseho y tips praktiko.

Cuido ofresi:
Control, informashon, conseho/ tips, instruccion y guia.  
 
Cuido di parto:
Tur hende por bin na remarke pa haña cuido di parto. E persona na encargo di e cuido ta responsabel pa atende e señora cu a haña yiu y e recien naci. E lo guiabo suficiente despues di e periodo di parto, bo lo sigui cu e cuido ariba un manera responsabel.  
 
Asesorio pa cuido di parto:
Baki pa baña baby, habon pa baby, washandje, bruki pa seka curpa, serbete, palito cu catuna (Q-tips), alcohol 70% ketonatus, catuna, azeta pa baby, paña pa baby, skeiro pa peña cabei.   

*Pa e prijsnan di bañamento di baby por wak e lista di prijs

Control di oido neonatal:

Pa desaroyo di un mucha un bon oido ta importante. Ta p'esey ta necesario pa sa si e mucha ta tende bon. Un enfermera lo pasa na cas entre e di 4 pa 7 dia despues di parto cu un aparato cu ta midi sonidonan produci door di e oreanan. Despues di hasi algun pregunta na e mayornan e enfermera lo pone un doppie den e orea di e baby  y asina e aparato ta midi Otto Akoestische  Emissies.

Meta principal di e Sector aki ta prevencion, teniendo na cuenta e crecemento y desaroyo saludabel di mucha entre 0-5 aña.

Consulta pa baby  te cu 1 ½  aña.
E consulta ta ensera: Pisa e baby, midi su cabes y largura, informacion tocante lechi di pecho/formula, control di crecemento y desaroyo, vacuna contra diferente malesanan di mucha, informacion ariba seguridad, referi na un  dokter di cas, bishita na cas ariba indicacion.

Consulta pa mucha chikito te cu 5 aña.
E consulta di e mucha ta  pa medio di un dokter of un enfermera, vacuna contra diferente malesanan di mucha, control di bista, control di crecemento y desaroyo, referi na dokter di cas ariba indicacion, Tambe bishita na cas.

B.O.V.V.
Consulta cu ta encera conseho pedagogico y evaluacion di desaroyo. Durante consulta ta duna informacion riba educacion di un mucha entre 2 ½ pa 3 anja. Ta duna informacion y guia na mayornan. Tambe ta remiti na ortopedagogo si ta necesario. Nos ta evalua desaroyo di e mucha segun eskema di Van Wiechen.