Wit Gele Kruis ta un Fundashon cu ta traha pa e comunidad di Aruba pa mas cu cuarenta aña riba e tereno di cuido extramural y su meta principal ta pa promove, activa y optimalisa cuido di salud den e comunidad arubano. Pa mas informacion.

Wit Gele Kruis tin diferente seccion cu ta:

1.Cuido na cas

E servicio aki ta encera cuido na e patient na cas, na unda cu nos zusternan ta pasa na cas di patient y duna

e servicio cu persona tin mester.Pa haya sa mas informacion tocante e servicio aki por click riba e link.

2. Cuido pa mayor y yiu

E seccion aki ta ofrece: cuido prome y despues di parto,consultorio pa baby y mucha y cuido preventive.

Embarazo: Pa prepara futuro mayornan pa e parto, ta organisa anochinan informativo den diferente districto.

Bishita prenatal na cas ta wordo haci despues cu persona entrega un peticion na Wit Gele Kruis.E enfermera di maternidad ta bishita bo persona na cas pa sera conoci cu bo famia y duna conseho y contesta bo preguntanan y tambe controla si bo tin tur cos na cas pa cuido di bo baby.

Cuido despues di parto pa mama y recien naci na cas ta wordo duna dor di e team di maternidad segun bo necesidad.

Tambe nos tin e consultorio pa baby di 0-1½ aña y consultorio pa muchanan di 1½ aña te cu 5 aña.

3. Informacion di nutricion

E parti aki ta wordo duna dor di e dietista di Wit Gele Kruis.Wit Gele Kruis tin su mesun dietista den servicio pa su clientenan y muchanan di 0-5 aña.E dietista ta e persona indica pa contesta bo preguntanan tocante alimentacion y tur clase di dieta.E ta duna conseho individual y den grupo.Pa traha un cita por yama oficina principal di Wit Gele Kruis na 5824444.

4. Informacion di diabetes

E parti aki ta wordo duna dor di e enfermera specialisa riba diabetes di Wit Gele Kruis.Pa consulta cu e enfermera specialisa riba tereno die enfermedad diabetes por yama na oficina principal di Wit Gele Kruis 523-4444.E ta haci un cita cu bo persona pa asina aumenta bo conocimento tocante diabetes y duna bo persona conseho y guia.Tur esaki pa bo persona por maneha bo diabetes independiente y na un manera saludabel.

5.Alphahulp ( yudansa den cas)

6.Zorgwinkelmagazijn ( servicio di rolstoel)

Zorgwinkelmagazijn a habri su portanan oficialmente dia 18 di juli 2010 pa brinda nos pueblo di Aruba cu differente productonan  cu  por facilita bo persona den bida diario, click na nos link y haya sa mas informacion di e departamento aki y e productonan cu nos tin di ofrece. 

7. Control di sucu,preshon,cholesterol y trygliceride den diferente districto